Ծովերն սկսվում են իմ աչքերից, մայրամուտներն ավարտվում են իմ աչքերում…

Advertisements

Սենյակում իմ…

ԱՐԱՔՍ ԱԲՐԱՀԱՄՅԱՆ
Սենյակում իմ’
Այրվող մի մոմ’ արծաթափայլ ցոլքերով,
Անկյուններում մութ ու խավար
Սև թիկնոցի պատկերով
Լռությունն է քայլում ասես
Իր շղթայված ոտքերով:
Սենյակում իմ’ ցուրտ ու տխուր
Շրջում է մի չար քամի,
Որ կամակոր, բայց և վախկոտ
Դուրս է գալիս շուրջպարի:
Ու սենյակում իմ միայնակ,
Մոմի փայլող լույսի տակ’
Մի ճաքճքված, բայց չքանդված
Խորհրդավոր հսկա պատ:
Պատին’ գամված արձան խաչված’
Համեստ ու լուռ տանջանքով,
Որ միալար իր բողոքը հոգու խորքում կասելով’
Ջերմացնում է իմ սենյակը իր տաք , հոսող արցունքով:
Սենյակում իմ’
Այրվող մի մոմ’
Սրտիս սառույցը հալող,
Պատին’ պատկեր խաչաձևված,
Խորհրդավոր, մենավոր…

Կենսագրություն

Արաքս Աբրահամյան

Կենսագրություն

1983-ին Ավարտել է Երևանի Խ.Աբովյանի անվան մանկավարժական ինստիտուտի նկարչա-գծագրական ֆակուլտետը: 1991թ.-ի սեպտեմբերի 24-ին Հայաստանի ժուռնալիստի տանը բացվել է առաջին անհատական ցուցահանդեսը (Անկախ Հայաստանում առաջին ցուցահանդեսը): 1991թ.-ի հոկտեմբերի 26-ին Անհատական ցուցահանդես է ունեցել Դսեղում:
1991թ.-ի նույեմբերի 8-ին մասնակցել է «Բոլոր մուսաները Էջմիածնում» մշակութային փառատոնին: 1991թվականի նոյեմբերի 22-ին Անհատական ցուցահանդես Ալավերդի քաղաքում:
Արաքս Աբրահամյանի աշխատանքները ցուցադրվել են նաև հանրապետական փառատոններում, Հալեպի, Ստամբուլի հայկական համայնքներում:
1993թվ.-ի դեկտեմբերի 25-ին ավարտվել է Արաքս Աբրահամյանի երկրային կյանքը: